Congresso Nacional Constituinte

DIREITO À REBELIOM

Militantes de diversas estruturas do Movimento de Libertaçom Nacional Galego enquadrad@s em AGIR, NÓS-UP e Primeira Linha, junto com jovens até agora nom organizad@s, iniciamos no passado mês de Setembro o processo congressual para a constituiçom de umha nova organizaçom juvenil da esquerda independentista.

Com este objectivo configuramos umha Promotora Nacional, formada por jovens independentistas de diversas comarcas da Galiza, encarregada de coordenar e gestionar o processo constituinte da nova organizaçom juvenil, que culminará o próximo 16 de Outubro com a celebraçom do Congresso Nacional Constituinte (CNC) na cidade de Ferrol sob a legenda Direito à rebeliom.

A Promotora Nacional decidiu abrir este processo ante a renúncia oficial da AMI a ser a organizaçom unitária da mocidade do MLNG, e a constataçom de que nengumha das estruturas juvenis existentes se adapta às necessidades e reptos actuais da esquerda independentista galega.

A Promotora Nacional da nova organizaçom juvenil do MLNG manifesta a sua satisfaçom pola acolhida que está recebendo o novo projecto revolucionário da mocidade trabalhadora e popular galega, polo que as previsons com as que actualmente trabalhamos converterám o CNC numha das maiores assembleias de jovens da esquerda independentista da história da Galiza contemporánea.

Embora o CNC se vai celebrar a porta fechada, só podendo participar a militáncia e @s simpatizantes acreditad@s, na tarde-noite do domingo 16 de Outubro estará na rede a página web com detalhada informaçom do desenvolvimento deste plenário, assim como dos acordos políticos, ideológicos e organizativos adoptados.

Um saúdo independentista, socialista e antipatriarcal da

Promotora Nacional

Galiza, 9 de Outubro de 2004