BRIGA posiciona-se ante as últimas declaraçons da Conferência Episcopal

Dezembro de 2004

A sexualidade é tua, defende-a.
Luita por umha educaçom sexual plena

Mais umha vez assistimos a novas declaraçons da Conferência Episcopal a respeito da sexualidade, de métodos anticoncepcionais e da educaçom sexual da juventude. Nesta ocasiom o que as provocárom foi a promoçom do preservativo como meio mais seguro para proteger-se das Enfermidades de Transmissom Sexual (ETS´s), mais especificamente da SIDA.
O porta-voz da misógena instituiçom declarou que é gravemente falso afirmar que o preservativo evita contágios, que o que se consegue assim é fomentar a promiscuidade e sostem que só a fidelidade evita as doenças de transmissom sexual.
Estas declaraçons da Igreja católica espanhola, nom conseguem mais que levar à confussom a juventude a respeito de temas tam sérios e importantes na vida de qualquer adolescente como a preveçom, nom só destas doenças, mas também de estados de gravidez nom desejados.

Os dados falam por si próprios, nom só no que atinge às milheiras de adolescentes que ficam grávidas, obrigadas a mudarem o rumo da sua vida cuns apoios institucionais ou familiares que só aparecem como remédio a umha conseqüência, senom também os centos de pessoas que cada ano morrem por mor da SIDA e @s milheir@s de infectad@s por contactos sexuais de risco, é dizer, sem preservativo. Além, som @s jovens de entre 16 e 24 @s que contam com mais desinformaçom a respeito de como se transmite a letal doença.

Nom é questom de analisar em que moral colhe, ou deixa de colher, manter relaçons heterossexuais ou homossexuais, a umha idade ou a outra, trata-se de imprimir umha educaçom sexual entre @s jovens que permita evitar as únicas conseqüências negativas de experimentar a nossa sexualidade.
As moças e moços somos don@s do nosso próprio corpo, somos nós e nom a igreja quem decidimos que fazer com ele. Mas para isso precisamos informaçom. O tratamento da sexualidade desde o tabu e a repressom, nom educar de maneira consciente nenas e nenos no descobrimento da seu próprio corpo, punir as realçons sexuais d@s adolescentes, o difícil acceso a métodos anticoncepcionais e preventivos, som a mostra dos verdadeiros actos irresponsáveis que se traduzem em conseqüências nefastas.

BRIGA, organizaçom juvenil da esquerda independentista, considera indispensável reivindicar umha educaçom sexual a todas as idades e em todos os ámbitos. Isto passa por que se ponham a disposiçom das moças e dos moços galeg@s todas as facilidades para desfrutar da sexualidade com seguridade, lugares ajeitados para tal fim, reparto gratuito de preservativos e enfim todo o necessário para cubrir as demandas em matéria sexual d@s jovens galeg@s.

Galiza, Dezembro de 2004