Está o BNG contra a guerra imperialista?

Abril 2011

Para a juventude rebelde deste País é todo um insulto que o BNG esteja a pretender protagonizar a resposta à guerra imperialista na Líbia quando Xosé Manuel Peres Bouça, o seu representante no Senado espanhol, tem solicitado ao governo espanhol a instalaçom dumha base militar da aliança terrorista internacional OTAN na comarca surenha da Límia.

O BNG leva demasiados anos a jogar a duas bandas, ou três, ou quatro, como para que a estas alturas @s jovens conscientes da crua realidade que vivemos, e da responsabilidade do cinismo institucional nela, passemos por alto semelhantes desafios à inteligência humana.

A juventude patriota nom é idiota. Nós nom imos ignorar este atropelo do BNG contra os históricos anseios da esquerda nacional, e contra toda umha juventude que ainda respira os prometedores ares dumha Galiza Ceive e Socialista, Antimilitarista e Feminista, em cujo fermento medrou esta força política que hoje em dia atenta contra a memória do movimento nacional galego. Se o BNG defende, como fijo, que o nosso território seja base das operaçons que aniquilam os sonhos e as esperanças de futuro de milhares de jovens polo mundo inteiro, nom há cabida para oportunismos antibelicistas.

Estamos fart@s de que se atente contra a vontade e a necessidade objectiva de que a juventude galega construa um movimento nacional autêntico, que para sê-lo precisa desfazer-se de vencelhos com esta tropa de covardes e vendidos. O BNG assinou o mês passado a sua cumplicidade com a OTAN e, portanto, assinou a sua renúncia à luita coerente pola liberdade dos Povos do mundo contra o terror imperialista. A espera pola rectificaçom nom tem produzido frutos.

A juventude tem umha outra Galiza que construir. Organizemo-nos contra o terrorismo capitalista e os seus cúmplices!