28 de Junho é dia de Orgulho

Junho 2011

Onte celebrou-se internacionalmente o Dia do Orgulho LGBT em lembrança e revindicaçom da rebeliom iniciada o 28J de 1969 em Nova Iorque que se alongara durantes três dias. Três dias de resistência gai, lésbica, transexual e bissexual contra as agressons e torturas da polícia ianque contra estes colectivos.

O Dia do Orgulho é umha jornada de diversom, mas ante todo é umha jornada de luita contra a lesbigaitransfobia e revindicaçom destes colectivos polo fim das discriminaçons que sofremos em todos os âmbitos da nossa vida.

Denunciamos o heterossexismo, como ideologia que vem justificar atitudes discriminatórias contra as pessoas homossexuais, bissexuais e transexuais. Denunciamos a perdurabilidade do machismo e o patriarcado sobre as mulheres e da reproduçom geraçom após geraçom do modelo de família patriarco-burguesa, baseada num homem heterossexual, umha mulher heterossexual, e @s filh@s, por esta ordem de importância na "hierarquia" familiar e nom por outra.

Neste Dia do Orgulho LGBT há muito que reivindicar. Porque o contexto atual de crise profunda do capitalismo agudiza as agressons físicas e verbais, humilhaçons e discriminaçons sociais e laborais justificadas polo heterossexismo na rua, no posto de trabalho, na escola ou no tempo de ócio e lazer.

Por outra banda, o capitalismo precissa de acrescentar o nível de propaganda directa e indirecta para injectar na sociedade os valores próprios do sistema patriarcal e heterossexista. Assim, nestes tempos de crise acrescentam-se as agressons contras as lésbicas, gais, transexuais e bissexuais e impulsiona-se o modelo de família patriarco-burguesa como modelo ideal e primário de relacionamento entre pessoas. Paralelamente, invisibiliza-se até o extremo a sexualidade das pessoas e a imensa diversidade de formas de relacionamento, e no caso de virá-las visíveis, fai-se desde a criminalizaçom, a estereotipaçom e o descrédito.

Em BRIGA luitamos firmemente pola emacipadora redinvicaçom dumha liberdade sexual plena, de poder viver a nossa própia sexualidade sem tabus, sem discriminaçons, sem obrigraçons impostas pola classe burguesa deste sistema, e em absoluta igualdade. Por isso incentivamos a que estes dias à volta do 28 de Junho se desafie na rua o capitalismo e o heterossexismo, convertendo esta jornada num dia de luita polo Orgulho e os direitos LGBT.

Dentro do calendário de actividades e eventos organizados polo movimento LGBT galego, o passado sábado 2 de Julho BRIGA participou na Jornada polo Orgulho LGBT organizada polo Centro Social LUME! em Vigo, onde compartilhamos umha horas com diferentes organizaçons do movimento LGBT galego, e passamos um lúdico e reivindicativo dia.

Avante a luita LGBT!
Viva o Orgulho LGBT!
Liberdade sexual, o nosso direito!