BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Apresentada publicamente VII Jornada de Rebeliom Juvenil

imagem

Julho 2011

Domingo 3 foi apresentada no Centro Social Henriqueta Outeiro, na capital do País, a campanha pola VII Jornada de Rebeliom Juvenil que cita a mocidade rebelde a tomar as ruas de Compostela o vindouro dia 24 de Julho, vêspera do Dia da Pátria.

Umha representaçom da organizaçom sinalou os eixos da campanha, que girará à volta da legenda A RUA É NOSSA, num momento sinalado polas permanentes ofensivas patronais e espanholas contra a nossa naçom e as suas classes populares. A legenda é acaída após as manifestaçons populares de rechaço ao sistema político vigente, as sucessivas protestas sindicais ou as mobilizaçons feministas que tingírom este curso político as ruas com as cores da frustraçom, a indignaçom, o descontento, a raiva, a luita e as alternativas por um outro mundo possível.

Ao longo dos vindouros dias a agitaçom e propaganda percorrerá o País de norte a sul, concluindo com umha grande jornada juvenil de reivindicaçom nacional e encontro festivo na cidade de Compostela.

Em concreto, umha marcha percorrerá as ruas de Compostela a partir das 22 horas desde a Alameda. A partir das 23 horas aproximadamente desviaremos a atençom ao parque de Belvis, onde tocarám um grupo basco, um português e duas bandas galegas: o rock de Su Ta Gar, o rap de Nos Ki Nasi Homi Ki Ta Mori Homi, e os sons de Raiba e Cuchufelhos.

Continuaremos informando.