Domingo 3 finalizou a Marcha polo Emprego

Julho 2011

Domingo dia 3 produziu-se a chegada de todas as pessoas caminhantes na Marcha polo Emprego da CIG com destino Compostela. Na capital mobilizárom-se à volta dum milhar de pessoas apoiando a iniciativa sindical e @s companheir@s que peregrinárom.

BRIGA participou na manifestaçom, conscientes da importáncia que tem fortalecer as estruturas sindicais nacionais e de classe frente ao reformismo e o burocratismo das centrais espanholistas. O percurso foi polas ruas cêntricas de Compostela, ao longo do qual se colaram, como noutras cidades do País, o último exemplar do A Pé De Rua, que atingiu o número 6 neste seu primeiro curso político.

Embora a participaçom esteja notavelmente por baixo do desejável, e da potencialidade mobilizadora dum sindicalismo convincente e ilusionante, nom devemos esquecer a precaríssima conjuntura subjectiva no mundo do trabalho. Para revirar esta situaçom, compre avançar no protagonismo da luita operária frente ao declínio capitalista. Nós assim o pretendemos. Por isso apelamos a juventude a combater a falta de referentes juvenis nos sindicatos, promovendo umha intervençom com perfil próprio.