BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Ato antifascista em Vigo

imagem

Setembro 2011

Quarta-feira 14 de setembro fam-se 50 anos do levantamento dumha cruz de grandes dimensons no monte viguês do Castro por ordem de Francisco Franco. Na mesma data referencial, 50 anos depois, terá lugar umha concentraçom às 20h convocada pola Associaçom Viguesa pola Memória Histórica do 36 e a Associaçom de Vizinh@s Eduardo Chao. Apoiam diversas organizaçons políticas, centros sociais, sindicatos e movimentos sociais e culturais da comarca. Anteriormente, segunda-feira por volta das 11h30 há também convocada umha rolda de imprensa na sede dos vizinhos e vizinhas de Eduardo Chao.

A permanência da cruz franquista, feita em memória dos "caídos por Espanha", é um símbolo que ataca directamente o orgulho da naçom galega e do seu povo trabalhador. Situada no mesmo sítio onde caírom por defender as liberdades e os direitos que como povo nos pertencem, a cruz representa a burla mais cruel contra quem de verdade sofrêrom o holocausto galego levado a cabo por Franco e o seu exército fascista na nossa cidade.

A iniciativa popular recorrerá a umha concentraçom a favor da sua imediata retirada, sabendo que o atual alcalde da cidade olívica nom tem entre os seus objetivos cumprir a Lei da Memória histórica aprovada polo seu próprio partido e que nom supujo mais do que umha lavagem superficial e insuficiente às nossas ruas, utilizando a repressom contra aqueles e aquelas que tentárom devolver a total dignidade ao nosso povo, como a esquerda independentista nestes últimos 10 anos.

De BRIGA, organizaçom juvenil da esquerda independentista e socialista galega que apoia a iniciativa popular, apelamos à juventude rebelde a secundar dumha maneira maciça a concentraçom deste 14 de setembro às 20h diante da mesma cruz do Castro.

SIMBOLOGIA FASCISTA FORA DA GALIZA!