12-O: A juventude galega nom celebra

Mais um ano, o conjunto do espanholismo mais rançoso, a casta política sobmetida aos interesses da burguesia que nos explora, os nostálgicos fascistas que nom contentes com este sistema pseudo-franquista pretendem voltar ao holocausto do povo trabalhador, e todo um exército repressor que guarda polas armas a "indisolúvel unidade da Espanha" ameaçando as nossas ânsias de independencia e garantindo a economia de mercado, o feroz sistema capitalista atualmente em crise, combinam para celebrar o assassinato de milheiros de pessoas, para festejar o início do seu imperialismo, das naçons da américa após o sobmetimento das naçons oprimidas polo daquela "Reino de Castela". Na Galiza a famosa "Doma e castraçom".

Nós, a juventude rebelde galega, na Galiza do século XXI, nom temos nada que celebrar. Este desfile militar, este dia de "festividade" só representa a necessidade imperiosa do espanholismo por manter vivo o seu projeto nacional, demonstrar que já assassinou homens e mulheres para impor a sua identidade e o seu sistema de escraviitude, para atormentar todos os anceios de liberdade que, como o nosso, muitos povos nesta cárcere chamada Espanha tenhem. E é um insulto à nossa naçom e ao nosso povo trabalhador, é umha séria ameaça para os jovens que, aliás, neste contexto de agudizaçom da crise capitalista obtemos mais eventualidade nos nossos contratos, precariedade, miséria e emigraçom enquanto eles falam de políticas de austeridade mas nom se importam com reservar algo de dinheiro (d@s trabalhador@s) para festejar a sua "Festa Nacional". Nom temos nada que celebrar, nem a sua corrupçom, nem o seu "chauvinismo". Temos que destroçar esses pilares, organizar-nos por tombar este sistema caduco e este estado imperialista.

É hora de nom ficar impassíveis, submissos. Som dias para demonstrar, mais umha vez, que nós nom somos Espanha, que o nosso projeto nacional revolucionário é outro. O nosso combate, a nossa luita, é a mesma que os povos latinos e caribenhos figérom e fam hoje diariamente, seja contra o imperialismo espanhol ou contra o americano. A juventude revolucionária da Galiza organizada em BRIGA estamos polo socialismo, por umha naçom galega sem exploraçom, de homens e mulheres livres. Eis porquê a juventude nom pode ficar imóvel, devemos organizar-nos e mostrar o nosso firme compromisso com a revoluçom e a de todos os paises dominados polo imperialismo.

COM ESPANHA NUNCA MAIS!

12-O NADA QUE CELEBRAR!