Galiza à cola em contrataçom juvenil indefinida

Novembro 2011

O Serviço Publico de Emprego Estatal notificou a criaçom de 8.200 contratos indefinidos ordinários a menores de 25 anos durante o passado mês de Outubro no conjunto do Estado espanhol.

De BRIGA queremos refletir sobre a ridícula percentagem destes contratos que se tenhem produzido no nosso País. Nas quatro províncias da Comunidade Autónoma, o governo registou 220 destes 8.200 "estranhos casos" de modalidade contratual.

220 é 2,7% do total estatal em outubro. Para um País que representa mais de 6% da populaçom do Estado, os índices som francamente clarificadores sobre o estagnamento da criaçom de emprego juvenil no conjunto do Estado, e na particular gravidade desta situaçom na Galiza.

O governo autonómico e os seus meios afins, continuam no entanto com a campanha propagandística "comparativa" para salvar a imagem do PP. Esta consiste em limpar as cifras autonómicas reparando na maior taxa de desemprego juvenil total no Estado. A galega está nos 33,2% e a estatal beira já 48%. Este consolo para perdedores é a política informativa constante, entre outros, dos meios da RTVG.

Seja como for, a contrataçom indefinida fica reduzida à mínima expressom ao cabo dum ano da reforma laboral do PSOE. Os contratos temporários assinados no mesmo período na Galiza autonómica fôrom 9.500. Só 2,3% som, portanto, indefinidos ordinários.

POR UM FUTURO DIGNO NA NOSSA TERRA!