3-D: Ato de NÓS-UP contra a Constituiçom espanhola em Ferrol

Dezembro 2011

A organizaçom política NÓS-UP convoca este sábado em Ferrol um comício contra a Constituiçom espanhola. A uns dias da comemoraçom oficial do seu plebiscito, que em Galiza só validara na altura 44% do eleitorado, o MLNG manifesta umha alternativa de ruptura com Espanha.

BRIGA participará no evento com a intervençom dum companheiro da Mesa Nacional. Ao longo da jornada, que começará às 12h no Centro Cultural Torrente Ballester, estám previstas várias intervençons de marcado perfil reivindicativo pola liberdade da Galiza, da classe trabalhadora e das mulheres, em plena e brutal crise do capitalismo espanhol.

Animamos quem quiger e puder a passar-se durante a manhá deste sábado dia 3 por Ferrol a participar na reivindicaçom nacional através da procura da independência política. Esta é umha das nossas tarefas fundamentais como movimento político, e umha necessidade objetiva do povo trabalhador e da sua juventude para alcançar a emancipaçom nacional, social e de gênero.

CONTRA A CONSTITUIÇOM ESPANHOLA,
VIVA GALIZA CEIVE!