Breve crónica dos atos à volta do 25-N
Devido à urgência doutras novas emitidas ao longo da semana passada, fomos adiando a publicaçom da crónica das atividades feministas que anunciáramos neste mesmo portal dias atrás. E sim, queremos comunicar que fôrom realizadas ambas, as previstas em Compostela e Vigo. No caso desta cidade, foi terça passada que se visionou no Centro Social Lume! o filme previsto, "As horas" de Virginia Wolf.
Pola sua banda, a capital do País acolheu com notável participaçom o lançamento da diana feminista, numha primeira ediçom decorrida no local Zapato Baixo do casco velho compostelám. Agradecemos a hospitalidade e alegramo-nos da boa acolhida que tivo este jogo. Ganhando pontos atirando sobre diversas imagens simbólicas do patriarcado, umha vizinha da capital logrou levar-se o pacote sorteado, com música e literatura feminista.
As mulheres de BRIGA lembramos às nossas amigas, vizinhas, companheiras e familiares, que passado o 25 de Novembro a formaçom e a luita contra a opressom sexista continua sem trégua.
