Temos que expandir a luita contra Espanha

O companheiro Adriám Vasques interveu passado sábado em Ferrol no ato de reivindicaçom nacional, contra a Constituiçom espanhola, decorrido no Centro Cultural Torrente Ballester.

A organizaçom convocante, NÓS-Unidade Popular, pendurou nas horas seguintes no seu portal umha crónica sobre o evento, em que achega umha galeria fotográfica e umha análise detalhada das intervençons e do decurso do ato.

Pola parte que nos toca, BRIGA tomou a palavra assumindo o protagonismo da luita juvenil contra o marco jurídico-político imposto, renegando dumha legislaçom derivada dumha carta magna que nom pudemos votar. O companheiro interveniente reconheceu que a juventude rebelde tem que continuar e expandir a luita conseqüente contra Espanha, nom pode entender-se nem conceber-se dentro das margens constitucionais que utiliza Espanha para consagrar este sistema de exploraçom da força de trabalho que acabou por colocar metade da populaçom juvenil do Estado afora do emprego, e no gume da navalha dos tempos que se nos venhem acima.

Reivindicar a luita e a rebeliom, a ética da insubmissom e a infatigável ilusom por comunicar a toda a juventude rebelde que tem o futuro nas suas maos, é um direito ao qual nom vamos renunciar. A tarefa de destruir Espanha para libertar-nos como Povo é irrenunciável no horizonte dumha juventude emancipada das poderosas opressons que padecemos.