BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas

Crise demográfica ameaça futuro do País

imagem

Campanha Rebelar-se no presente. Revelar o futuro.

Janeiro 2011

Botar umha olhada polos últimos trabalhos realizados polo Instituto Galego de Estatística (IGE) que analisam aspetos que atingem à realidade juvenil galega dá a entender a forte realidade opressiva que padece a juventude trabalhadora e popular na Galiza de hoje. As últimas semanas fôrom bastante prolíficas quanto a estatísticas que definem as condiçons de vida da juventude assim como para as projeçons demográficas juvenis que se estabelecem a curto prazo.

Cada ano que se passa somos menos jovens

Em 2010, @s jovens entre 18 e 29 anos somamos 384.046, d@s quais o inquérito exclui a parte de jovens galeg@s que residem em comarcas fora da administraçom da Comunidade Autónoma Galega (CAG). A projeçom para os próximos dez anos indica que seremos 30% menos no caso de continuarem as mesmas dinámicas, prevendo 266.077 jovens para este rango etário. Galiza perde juventude a ritmo acelerado e, em conseqüência, o índice de envelhecimento disparará-se 21 pontos segundo o prognóstico realizado para 2021, no qual em cada 100 pessoas menores de 20 anos existirám 158 maiores de 64 anos. Em 142 concelhos da CAG, fundamentalmente das zonas rurais, esta relaçom já é do triplo e, incluso, do quádruplo nas comarcas dos Ancares ou da Baixa Límia.

Como objetivo de tentar amortecer o envelhecimento populacional galego e evitar que siga aumentando a média de idade -situada nos 45 anos- constituiu-se umha comissom no Parlamento do Hórreo que pouco poderá fazer ante um problema estrutural com base na exploraçom nacional e social de género a que nos condenam Espanha e o Capital. Nem paliativos poderám oferecer ante umha realidade de contínua sangria emigratória da juventude que se vê forçada a marchar do país, e ante as poucas expetativas de futuro no atual sistema que nom permitem fixar um renovamento populacional.