BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

A nossa língua também continua em crise

imagem Janeiro 2011

A conformaçom do novo governo espanhol obrigou Feijó a realizar umha remodelaçom de forte calado no governo autonómico. Um dos aspetos mais salientáveis desta readequaçom é a fusom das conselharias de Cultura e Educaçom, áreas que agora dirigirá o reconhecido galegofobo e espanholista militante Jesus Vasques, quem liderou os últimos ataques contra o nosso idioma no ensino.

Também designárom-se novas pessoas para responsabilidades na conselharia unificada. Valentim Garcia, como Secretário Geral de Política Lingüística, e Anjo Lourenço, como novo Secretário Geral de Cultura, terám como objetivo aprofundar na marginalizaçom e folclorizaçom dos nossos principais sinais identitários.

Anjo Lourenço -filólogo e profesor da Universidade de Vigo, autoproclamado defensor do galego que nom demorou em sobmeter-se aos ditames da ofensiva espanholista contra a nossa língua- será substituído por Valentim Garcia, também filólogo e dinamizador de centros lingüísticos, que aplicará as mesmas medidas desde o primeiro dia.

Um títere por outro. A juventude galega nom só vamos ter que fazer frente à nossa precariedade e impossibilidade de emancipaçom, mas também à necessidade imperiosa de vincular a luita pola recuperaçom dos nossos direitos laborais com a recuperaçom e normalizaçom da nossa língua e cultura, alvo de ataque permanente do espanholismo.