Finalizou julgamento contra 2 militantes de BRIGA
Especial STOP repressom!!
Fevereiro 2012A passada sexta-feira 10 de fevereiro tivo lugar a já anunciada segunda e última sessom do juízo a dous companheiros da nossa organizaçom por factos acaecidos na última greve geral.
A evidência de estarmos ante um julgamento político que pretende criminalizar e manipular a rebeldia da juventude galega e a defesa coerente dos interesses da classe obreira num contexto de greve geral, ficou constatada numha nova contradiçom do subinspector da polícia espanhola, quem ficava por testemunhar. Tentar apagar o exemplo da defesa da classe trabalhadora e garantir a nossa exploraçom no sistema capitalista atualmente em crise é o único que move os mercenários da burguesia, tentando que a juventude rebelde seja repressaliada sem importar como. Mas a sua arbitrariedade volveu falhar, fazendo gala daquilo de "muito músculo e pouco cérebro".
A Fiscalia mantivo a acusaçom de 1000 euros de multa em conceito de danos à entidade bancária e 2 anos de prisom. Pola sua banda, o advogado dos dous companheiros pediu a absolviçom ao existir "graves e grosseiras" contradiçons por parte dos corpos repressivos espanhóis.
Fora dos julgados, um grupo de militantes da nossa organizaçom concentrou-se em apoio e solidariedade com os companheiros. Cabe salientar que a polícia nom perdeu o tempo em realizar o seu trabalho de informaçom e repressom, identificando todas e todos os lá presentes e advertindo-lhes de estarem a realizar um ato ilegal.
A sentença está vista para dentro dum mês. De BRIGA tampouco imos perder o tempo e continuaremos trabalhando pola defesa da classe obreira galega, com a olhada pronta para a vindoura greve geral de finais de março e assim até vermos umha Galiza ceive, socialista e nom patriarcal. Nom há repressom que nos pare.
STOP JUIZOS CONTRA A JUVENTUDE REBELDE!
AVANTE A GREVE GERAL!
Ver também o especial: STOP repressom!!