Delegaçom de BRIGA assistirá ao Rebrot´05

Junho de 2005

Umha delegaçom de BRIGA assistirá convidada por Maulets ao Rebrot´05, que se realizará nos dias 8, 9 e 10 de Junho na vila catalá de Berga, tristemente de actualidade polo assassinato há uns meses dum jovem quando assitia a um concerto organizado por diversas organizaçons juvenis da vila.
O Rebrot é um festival que Maulets organiza cada verao desde há oito anos, e já está consolidado como um dos eventos mais importantes e concorridos da esquerda independentista catalá. Maulets e o resto de organizaçons colaboradoras combinam perfeitamente no Rebrot a festa com a organizaçom de concertos e o compromisso revolucionário.

A ediçom deste ano arrancará na sexta-feira 8 de Junho com um comício e um concerto em que actuarám entre outros Revolta 21, Skàndol Públic, o grupo ganhador da última ediçom do ESCLAT, concurso de grupos nóveis que também organiza Maulets cada ano.

O Rebrot continuará no Sábado 9 com um intenso programa em que destacam as conferências sobre o sumário 18/98 e a situaçom política em Euskal Herria, o jantar popular antirrepressivo a cargo de Alerta Solidária e a Homenagem a Ovidi, em que participarám a Fera Ferotge e Alun@s da escola de Soterrats. Na tarde da segunda jornada decorrerá a mesa-redonda em que BRIGA participará junto com outras organizaçons juvenis europeias. Um concerto em que actuarám Banda Bassoti, Obrint Pas, Sagarroi ou Pirat´s Sound Sistema, fechará as actividades do Sábado. Durante toda a jornada haverá exposiçons de diversas organizaçon sociais dos Països Cataláns.

A presente ediçom do Rebrot fechará-se no Domingo 10 de Junho com umha mesa-redonda sobre as perspectivas de futuro da esquerda independentista catalá e um jantar popular de despedida.