BRIGA chama a participar na manifestaçom convocada por NÓS-Unidade Popular para este Dia da Pátria
Julho 2012A organizaçom política NÓS-Unidade Popular convoca umha manifestaçom INDEPENDENTISTA, SOCIALISTA E FEMINISTA para o Dia da Pátria na capital do País. A marcha partirá às 12,30 horas da Alameda de Compostela.
Em plena efervescência da reformulaçom do discurso autonomista, e de reubicaçom de diversos agentes soberanistas da esquerda nacional, a organizaçom política que BRIGA tem como referente aposta polo segundo ano consecutivo em avançar com as siglas próprias cara à visibilizaçom desta "troika" de ideias chave que representam a linha estratégica de pensamento e açom do Movimento de Libertaçom Nacional Galego.
Quando ficam apenas uns dias para o decurso dos atos relacionados com esta data, BRIGA quer anunciar a nossa adesom em prol da manifestaçom pública da nossa identidade patriótica, vermelha e lilás, favorecendo a inclinaçom da balança para os postulados radicais, honestos e conseqüentes que representam o único horizonte de esperança para a nossa sobrevivência como Povo, como Classe, e como Mulheres.
A crise avança a passos de gigante diluindo Espanha num território de anarquia capitalista subjugado à UE dirigida polo patrono alemám. Espanha está arruinando as classes trabalhadoras dos seus povos sobmetidos. Espanha é umha ameaça real para o presente da juventude obreira e popular de Galiza.
O 25 é o dia para mostrar-nos como independentistas sem mais etiquetas. Porque o somos. Porque Espanha, a UE e o FMI som a ruína da juventude no capitalismo moribundo que nom obstante nos está matando.
Porque só temos umha bandeira nacional. Ergamo-la bem alto: NEM ESPANHA, NEM UE, NEM FMI! INDEPENDÊNCIA, SOCIALISMO, FEMINISMO!
12,30h Alameda de Compostela.