BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

A juventude corunhesa, contra as touradas

imagem Agosto 2012

Sábado 4 de agosto, um bom número de coletivos sociais participaremos em regimem de adesom à iniciativa de "Galiza, melhor sem touradas", entidade que convoca para as 19h umha concentraçom na praça do concelho, Maria Pita, contra a celebraçom da tradicional "fiesta nacional" espanhola.

A orgia de sangue taurina que se derrama esse dia com os "olés" da "flor y nata" corunhesa nom é a única. Orgia também será o orçamento do concelho para manter na segunda cidade do país umha festa que dá perdas económicas ano sim e ano também, malia os inúmeros recortes que nos obrigam a efetuar os mesmos governantes que enchem de euros os petos da tropa de famosetes da praça que ganham a vida torturando animais.

Esta festa nom é galega. Dá perdas. Nom é rentável nem malia a destacada assistência de turistas. É ignorada e mesmo rechaçada pola maior parte da populaçom local, segundo inquéritos oficiais. Promociona o lazer passivo e a satisfaçom a conta do sofrimento dum animal. Nom som suficientes argumentos?

Todos os governos havidos até agora na cidade da Corunha, incluidos PSOE e BNG, mantivérom esta impopular, ruinosa, espanholista e repulsiva atuaçom. Nom há escusas para continuá-la mantendo. A juventude corunhesa deve tomar consciência da imensa afrenta que realiza o governo local do PP ao promocionar com dinheiro público este evento.

A festa espanhola, que decorra na Moncloa!
4 de agosto, contra a dilpidaçom de fundos públicos em touradas: a juventude a Maria Pita!