BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA participa na homenagem a Antom Moreda

imagem

Julho de 2005

O passado sábado 16 de Maio decorreu umha jornada-homenagem a Antom Moreda, histórico militante do nacionalismo galego. Para além de ter participado na criaçom destas estruturas políticas ele estivo nos círculos nacionalistas de Buenos Aires.

O primeiro acto tivo lugar no Panteom de Galegos Ilustres perante a tumba de Castelao onde a pessoa do Antom foi introduzida polo Luís Gonçales Blasco "Foz" e polo Ramom Muntxaraz, depois o Antom Moreda quijo render homenagem a Castelao e fazer um apelo à procura de coincidências entre as pessoas que trabalham pola Pátria. Depois, na ceia num restaurante próximo ao Panteom meio centenar de pessoas, membros de delegaçons convidadas e amig@s, foi o turno para dar umha saudaçom cada organizaçom.

A intervençom de BRIGA consistiu em sublinhar a importáncia que o homenageado tinha para a história contemporánea da Galiza em geral e do nacionalismo em particular contribuindo para a construçom de organizaçons quer políticas quer culturais cujo objectivo comum era a construçom nacional do nosso país desde parámetros inequivocamente de esquerda. O companheiro também definiu a figura de Antom Moreda como um homem louvável polo seu compromisso vital com a causa da libertaçom nacional e social da Galiza.

O acto concluiu com umhas palavras do próprio Moreda em que lembrou a impossibilidade de derrotar as ideias e encorajou aos jovens a continuar a erguer o facho da causa da liberdade.

Ambos os actos de homenagem e confraternizaçom rematárom com um emotivo canto do hino nacional.