A juventude à greve!
Novembro 2012Já faltam 24 horas para umha nova jornada em que a classe operária de várias naçons europeias deve fazer prevalecer os seus interesses de classe e paralisar a produçom e o consumo.
Durante esta greve geral de 14 de novembro, BRIGA chama a juventude a aderir aos piquetes que velarám durante muitas horas, em condiçons claramente desfavoráveis frente ao braço armado do poder, por facilitar o exercício da greve a esses milhares de trabalhadoras e trabalhadores que tenhem que enfentar a pressom do patronato e a traiçom dos fura-greves de turno.
Lenine dizia que as greves som a escola de guerra do proletariado. E hoje podemos afirmar que assim é. E que como jovens trabalhadores/as, as greves som para nós essas oportunidades para aprender e formar-nos na luita contra a omnipresente opressom, na audácia combativa, na capacidade de conviçom e de pressom, e na liçom da força da nossa classe como motor do trabalho e também do seu contrário: a paralisaçom da atividade produtiva.
Também vos animamos a participar nos cortejos independentistas que BRIGA e NÓS-UP terám nas mobilizaçons do próprio dia 14, dentro do bloco nacional e de classe conduzido pola Confederaçom Intersindical Galega.
A JUVENTUDE à GREVE!
MAIS GREVES ATÉ TOMBÁ-LOS!