BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas

Podedes consultar em linha vozeiro nacional de outono

imagem Novembro 2012

Coincidindo com o Dia da Galiza Combatente tirávamos do prelo o número 10 do XERFAS, o vozeiro nacional de BRIGA, a juventude da esquerda independentista galega. É o segundo desde que foi reformatado com mais conteúdos e um mais modelo de leitura tipo livro que o fai muito mais acessível e atrativo.

Agora está subido ao portal junto com todos os demais números da série. Podede-lo descargar em .pdf desde a seçom de publicaçons nesta mesma página. Encontraredes mais umha vez um caderno escrito de lés a lés pola militáncia da nossa organizaçom, incorporando aquelas temáticas de maior releváncia segundo cada epígrafe.

Desta volta renovamos algo mais os conteúdos. Além do editorial e as breves, fai-se um resumo da atividade de rua dos últimos meses e aparece em análise um documento titulado "Fascistizaçom política e criminalizaçom dos movimentos populares". Também encontraredes referência especial à campanha nacional "Rebelar-se no presente. Revelar o futuro" e à jornada da VIII Jornada de Rebeliom Juvenil. A maiores, umha destacada reportagem sobre as Greves Gerais Nacionais, umha entrevista ao ativista Miguel Nicolás Aparício ceivado de prisom em maio, e mais umha com Miguel Urbano Rodrigues em "Falam @s velh@s" (única seçom que colamos na íntegra do Diário Liberdade). Por último, um artigo sobre a luita LGBT na seçom especificamente feminina de "As mulheres falamos" e... finalmente, desporto, música, literatura e internet.

Mais de 70 páginas para formar-se e partilhar experiências desde a luita militante em BRIGA.

Também podedes solicitá-lo escrevendo para comunica.briga@gmail.com, ou participar na sua ediçom sugerindo-nos achegas através desse ou outros contatos que se oferecem no próprio web.