BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas

Crónica do concerto no Baixo Minho contra a constituiçom espanhola

imagem Dezembro 2012

Transcorreu no Concelho do Rosal, comarca do Baixo Minho, o concerto contra a constituiçom espanhola organizado polo Grupo de Base de BRIGA. Durante várias horas pudemos desfrutar da boa música, com as letras combativas dos companheiros de Greve de Redondela, de Liska de Vigo e de Atzembla dos Països Cataláns, concretamente da capital valenciana. A todos eles, particularmente aos últimos polo longo deslocamento, agradecemos imenso a súa colaboraçom com nós para levar adiante este concerto.

Antes de começar a tocar @s Atzembla, que atuavam pola primeira vez no nosso país, umha companheira do Baixo Minho arengou umhas palavras em nome da nossa organizaçom contra a constituiçom espanhola, animando a juventude a combater contra este sistema, mostrando o nosso firme compromisso a continuar nas ruas do nosso país por umha Galiza livre, socialista e feminista. O público que se achegou até O Rosal continuou as palavras com berros de "Espanha é a nossa ruína". Bandeiras estreleiras de Galiza e dos Països decoravam o fundo dum cenário aonde subírom os dous grupos do sul da Galiza e o do sul catalám.

Desta forma lúdica, reivindicamos a falsidade desta carta magna que nos oprime e nos explora como povo diferenciado e como mulheres, demonstrando que somos milhares de norte a sul a rechaçá-la. E continuaremos nesta luita ate alcançar a vitória.

NOM A CONSTITUIÇOM ESPANHOLA!!
A LUITA É O ÚNICO CAMINHO!!
Público gozando da música ao vivo

Público gozando da música ao vivo

Alocuçom política

Alocuçom política