Programa Tático da Unidade Popular inclui epígrafe juvenil
Dezembro 2012A organizaçom política NÓS-Unidade Popular acaba de publicar um conjunto de proposiçons compiladas num Programa Tático para a Rebeliom Popular. Este documento contém 466 medidas concretas com as quais a organizaçom socialista, independentista e feminista pretende crebar a atonia generalizada na alegada esquerda parlamentar ou extraparlamentar, que permanece ancorada na falta de determinaçom e coerência para colocar no taboleiro do jogo político as questons ao detalhe, indo para além do mero resistencialismo e consignismo contra "as políticas da direita".
A juventude obreira organizada em BRIGA forma parte desse amplíssimo setor da populaçom nacional que está cansa de discursos vazios e de guions trilhados pola política profissional ao serviço de interesses capitalistas. Necessitamos umha esquerda real, que nom se parapete no eterno estado à defensiva, e que compreenda um abano de açons teóricas e práticas que elevem a moral do povo trabalhador e que representem um desafio desde a raiz em que se cimenta o capitalismo, Espanha, a UE, e o patriarcado.
Nom avonda com radicalismos para a galeria, ou romarias tingidas de vermelho de mês em mês. Há devolver ao trabalho de base e do dia a dia a sua autêntica significaçom e centralidade no ermo panorama mediático dos PP, PSOE, BNG, AGE e demais capítulos do mesmo livro. O espaço prioritário de intervençom política está nas ruas, nas aulas, nos centros de trabalho, nos sindicatos e nas praças.
A nossa organizaçom tem contribuido para completar este ambicioso Programa Tático no seu epígrafe de Juventude. A experiência destes oito anos de vida e o nosso permanente interesse em analisar as condiçons de vida da juventude trabalhadora galega servírom-nos de guia para contribuir à redaçom desta mostra concreta e tangível de política de rua, a de verdade.
Só resta é sugerir-vos a sua leitura, acedendo através da seguinte ligaçom: nosgaliza.org/prova2/wp-content/uploads/2012/12/CADERNO466MEDIDASPTRP.pdf