Burlas que valem 7.000 euros ao ano
Janeiro 2013Talvez os analistas capitalistas de turno deveriam ter algo mais de cuidado nas suas análises. Juan José Velasco, diretor do instituto Aviva de Aforro e Pensions, mantém que @s jovens devemos começar a bulir polo nosso futuro realizando um aforro de 7.000 euros por ano para assim garantir-nos umha pensiom que nos permita um "bom nível de vida quando alcançada a "jubilaçom"". Este "conselho" nasce perante a alarmante situaçom do envelhecimento populacional e a correspondente taxa de número de ativ@s por número de pensionistas no Estado espanhol, que ainda é maior na Galiza. A caixa para pagar as pensions nom lhes quadra.
Nom devemos ficar impassíveis quando meios de comunicaçom publicam dados como estes, utilizados para descrever umha realidade em que já quase ninguém acredita. A juventude vivemos o presente de umha crise capitalista que os amos do mundo cargam sobre nós. Já nom avonda com adiar a idade de "jubilaçom" aos 67 anos; também tenhem a cara de propor-nos um aforro impossível para umha juventude sem futuro dentro do capitalismo. Basta já! O envelhecimento é provocado pola falta de trabalho digno, salários de miséria para manter umha unidade familiar, e a emigraçom juvenil massiva que padece o nosso país.
De BRIGA encorajamos a juventude a nom baixar a cabeça a burlas. Nom cair no jogo amável do governo espanhol sobre emigraçom que pretende tapar as suas misérias ante a incapacidade capitalista de outorgar condiçons dignas. A deixar de laiar-nos e ver como rim de nós dia após dia. A organizar-se e luitar já, sem trégua. Porque nom necessitamos mais 7.000 € anuais para ter umha pensiom. Necessitamos umha fazenda galega ao serviço e controlo do povo organizado e umha banca nacionalizada que facilite o reparto da riqueza, entre outras.