BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Que se vaiam todos!

imagem Fevereiro 2013

Com motivo da manifestaçom nacional por um processo constituinte e a ruptura democrática este mesmo domingo, BRIGA editou mais um número do nosso vozeiro nacional. O A Pé de Rua sintetiza neste número a essência corrupta do capitalismo e identifica a ameaça do desmantelamento das conquistas das luitas de classe ao longo da história.

É hora de parar-lhes os pés!

QUE SE VAIAM TODOS!

O barco afunde-se. A burguesia desencadeia luitas intestinas para salvar a roupa, deixando à luz umha mancha congénita do sistema : a corrupçom, a venda ao melhor postor, a claudicaçom ante o império do dinheiro.

Cumpre contrarrestar a desinformaçom. Afirmar bem alto que no capitalismo é impossível eliminar a corrupçom. O capitalismo é um sistema que se constrói sobre a expropriaçom da força de trabalho em favor dos proprietários legais dos meios de produçom. O produto do trabalho nom pertence ao/à legítima dona, a quem o cria. Esta máxima do marxismo revela-se paradigmática: o roubo é lei no capitalismo.

Cumpre enseguida esquivarmos as manobras confusionistas: mudar o cam mas manter o colar nom vai solucionar as cousas. De facto, provavelmente as piore. O importante nom é só que a caste política seja ladroa. Sempre o será no capitalismo! O prioritário é identificar quem a compra, quem agarra o colar de tanto cam!

Outra questom fulcral sobre a qual refletir a dia de hoje é que Espanha está a mostrar-se como o que é: umha máquina de destruiçom massiva de liberdades, direitos e conquistas para as quais o melhor do povo trabalhador entregou a vida. Todo, absolutamente todo, está em questom: a sanidade, a educaçom, a administraçom de justiça, a proteçom social, a vivenda, o lazer, a sexualidade e mesmo a integridade física e psíquica.

Dor, sofrimento, ansiedade, depressom, suicídios, violência, opressom, CAOS. Espanha está a perder a maquilhagem. A farsa primeiromundista retorce-se espremendo as classes populares e condenando à miséria e a frustraçom a toda umha nova geraçom de jovens. A classe média esvaece-se. Os ricos fam-se mais ricos a costa de empobrecer a imensa maioria.

Nom temos a obriga de comprometer-nos com a transformaçom das cousas. Temos que querer fazê-lo. E fazê-lo com a melhor arma: propor alternativas. Propor o reparto da riqueza, o socialismo. A liberdade dos povos, a independência de Galiza. A emancipaçom humana definitiva, o fim do patriarcado.

Jovem, a que esperas? Organiza-te e luita!

ESPANHA É A NOSSA RUINA!
O CAPITALISMO É O CAOS!
INDEPENDÊNCIA,
SOCIALISMO E FEMINISMO!