Estado interessa abertura sancionadora a jovens da Límia por evento reivindicativo

Março 2013

A Procuradoria do Estado continua ao seu. À caça de "separatistas, roj@s, antisistema", e todo aquilo que poda desestabilizar as ruinosas estruturas desta Espanha corrupta e fedorenta. Com impunidade de ladrons de colo branco inçando o país e com o poder político desmantelando em pró do lucro burguês os serviços sociais mais básicos, jovens galegas e galegos, destacad@s ativistas que construem polo país todo tecido social e político, somos perseguid@s dia trás dia numha incessante campanha. Os inimigos do estado burguês, nom o esqueçamos, continuamos a ser as pessoas de extraçom popular, nomeadamente jovens, que se rebelam contra a miséria, a corrupçom e a destruiçom social, cultural e nacional.

Neste contexto devemos compreender a petiçom de imputaçom contra quatr jovens de Ginzo de Límia por portarem imagens de pres@s independentistas num bonito vídeo de animaçom (lipdub) comemorando os sete anos de abertura e funcionamento do CS Aguilhoar da Límia. A procuradoria da Audiência Nacional espanhola, tribunal de excepçom que constitui umha rémora do franquismo, interessa-se pola abertura de expediente sancionador porque pressume a existência de exaltamento das atividades terroristas (sic) d@s pres@s cuja imagem aparece. Curiosa deduçom quando se trata de pessoas que, além de nom ter sido provada a sua vinculaçom com qualquer organizaçom terrorista, nom tinham sido julgadas nem portanto condenadas no momento em que se grava tal vídeo.

Está visto que os órgaos judicias espanhóis estám ociosos. Só assim se justifica que a brigada de informaçom da polícia espanhola tenha tanta cobertura para seguir e perseguir toda a atividade vinculada à esquerda nacional galega (mesmo abrindo expedientes absurdos como este) neste páramo de ladrons, corruptos, maltratadores e fascistas chamado Espanha. Ou, entom, será que tanto a polícia como a judicatura espanhola som parte do problema, e nunca nos darám a soluçom.

CONTRA O ESTADO POLICIAL E A REPRESSOM JUDICIAL,
SOLIDARIEDADE COM O CS AGUILHOAR E A JUVENTUDE DA LÍMIA!
NOM NOS CALARÁM!