BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Crónica da nossa participaçom na Gazte Danbada. Avante Ernai!

imagem Abril 2013

Vídeo elaborado por BRIGA em:

https://www.youtube.com/watch?v=iUTAOUQl49k&feature=player_embedded

A passada quinta-feira 28 de março anunciávamos que umha delegaçom de BRIGA se deslocaria à localidade de Urduña (Euskal Herria) para assistir à Gazte Danbada, o festival que celebraria o nascimento de Ernai como nova organizaçom juvenil da esquerda abertzale.

Fomos muitas as jovens que procedentes de diversos países e naçons sem estado assistimos a este multitudinário encontro para dar as boas-vindas ao novo projeto juvenil basco e desfrutar dum completo programa que combinando estreitamente diversom e formaçom, permitiu-nos conhecer melhor a realidade doutros povos e afondar na necessária solidariedade internacionalista.

Reunions com agentes políticos e sociais bascos como Herrira, Sortu, Ernai e Askapena, palestras com juventude irlandesa e italiana, com umha representante do Movimento Continental Bolivariano na Venezuela, com jovens bascas encausadas... completárom um intenso calendário que se estendeu durante os quatro dias que durou o evento.

Aliás, todas as organizaçons presentes assistimos a umha rolda de imprensa em que interviu Izaskun Goienetxea de Ernai e Helena B. Sabel, companheira de BRIGA, que deu lectura ao manifesto em nome de todas as delegaçons internacionais.

O sábado pola tarde realizava-se o ato político principal no que Ernai proclamaria perante milhares de jovens o seu firme compromisso por avançar face o feminismo e o socialismo numha Euskal Herria independente.

Foi aquí quando delegaçons procedentes de Galiza, Asturies, Cantábria, Aragom, Paísos Cataláns, Andaluzia, Sáara, Kurdistám, Noruega, Itália, Córsega ou Dinamarca subimos ao cenário para saudar o nascimento de Ernai e demonstrar mais umha vez a importancia do internacionalismo e a solidariedade entre povos.

Um ato marcado pola tristeza ante a morte do preso político basco Xabier López Peña que nom deixou de ser homenageado, mas também pola alegria e o optimismo ante o novo capítulo que se abre para a juventude independentista basca.

De BRIGA consideramos fundamental o apoio e a solidariedade entre as e os jovens que desde o nosso marco específico luitamos pola liberaçom nacional e social de género. Por isso valoramos positivamente a nossa presença na Gazte Danbada como mostra da nossa praxe internacionalista e como mais um passo nesta luita que desde as nossas respectivas trincheiras levamos avante jovens de todo o mundo.

Avante com a juventude basca!

Viva a solidariedade internacionalista!

JO TA KE, IRABAZI ARTE!