Com mentiras e mais roubo ao povo trabalhador pretende o PP reduzir o desemprego juvenil!!
Abril 2013
Muito menos mediatizada que outras normas recentes, o PP tirou adiante com a sua marioria absoluta no parlamento espanhol o chamado o Real Decreto “de apoio ao emprendedor, o crescimento e o emprego”.
De BRIGA fazemos mençom a esta nova para analisarmo-la e
oferecer umha leitura crítica, juvenil e científica baseada no conteúdo mesmo do texto normativo. A sua importáncia nom é escassa, como veremos a seguir.
Nom nos é irrelevante porque está especificamente
criada para menores de 30 anos, essa faixa etária cujo setor trabalhador padece um desemprego inédito e em alça na Galiza, à volta das 80.000 pessoas menores de 30 anos demandando emprego a finais de 2012 (e a cousa tem piorado). 49,7% da juventude galega segundo o INE.
1. Contrato vinculado à formaçom
Nome falso, pois no seu articulado permete que a empresa nom se ocupe da formaçom, que poderá remitir-se à dos serviços públicos ou qualquer outra acreditável, assim como de idiomas ou novas tecnologias (sic), pola nossa conta.
Nunca poderá ser superior a 50% da jornada ordinária a tempo completo
Em pleno espólio das pensons públicas, o governo autoriza a BONIFICAÇOM PÚBLICA DE 75% OU 100% DA QUOTIZAÇOM EMPRESARIAL À SEGURIDADE SOCIAL POR 12 MESES PRORROGÁVEIS POR OUTROS 12.
2. Contrato de primeiro emprego
Jovens sem experiência laboral ou menos de três meses.
Contrato temporário de 3 a 6 meses prorrogável até 12 meses.
Nunca poderá superar 75% da jornada ordinária a tempo completo.
A conversom do contrato em indefinido suporá BONIFICAÇOM COM CARGO À SEGURIDADE SOCIAL DURANTE 3 ANOS, tanto se é a tempo completo como parcial, podendo rebaixá-la a 50% da jornada ordinária a tempo completo. 500€ por homes e 700€ por mulheres, anuais, da caixa pública!
3. Nova modalidade de contratos em práticas para o primeiro emprego
Suprime-se a limitaçom dos 5 anos desde a limitaçom dos estudos; agora poderás ser contratado em práticas eternamente!
Reduçom das QUOTAS EMPRESARIAIS ENTRE 50 E 75%
4. Outros benefícios empresariais
800€/ano durante três anos para cooperativas por nov@ empregad@
Para empresas de inserçom, será de 1.650€/ano durante toda a vigência do contrato temporário ou três anos se for indefinido.
5. Alarga-se intervençom das ETT
As ETT poderám assumir a carga formativa ou concertar contratos com terceiras empresas para se ocuparem dela nos contratos de formaçom e de aprendizagem.
6. Empresas privadas gestionarám contrataçom pública
Tal como soa, os serviços públicos de emprego poderám recorrer a empresas para facilitar a mediaçom e colocaçom laboral. Ou seja, a administraçom encarregada da gestiom do emprego subcontratará com dinheiros públicos o seu trabalho a empresas privadas. Toda umha linha aberta para facilitar ainda mais a corrupçom!