Concelho Compostela anima juventude a emigrar
Maio 2013Com um sorriso de auto-complacência comparecia há uns dias a concelheira de Juventude de Compostela, Rebeca Domínguez, acompanhada do vice-reitor da USC, Francisco Durán. Para falar dum programa de dinamizaçom do emprego na comarca? Obviamente nom.
Anunciavam, pola contra, a colaboraçom entre a concelharia de Juventude e a embaixada de Canadá para favorecer os trámites legais que permitam que jovens galegas/os podam marchar como mao de obra barata ao Estado do continente americano. Assim, chamam “alegremente” à juventude da cidade a acudir a um ato público a vindoura terça-feira 29 de maio em que se animará moç@s de entre 18 e 35 anos a marchar a Canadá para vender precariamente a sua força de trabalho.
Estas práticas nom som novas no concelho de Compostela, que já tem convocado vários encontros entre empresários e comisários europeus e moças/os da cidade desesperançad@s ante um panorama caraterizado por umha taxa de desemprego que já supera 50%.
Esta é a soluçom que a cámara municipal, corrompida e ladroa, propóm para umha juventude que ante a falta de perspectivas se ve forçada à migraçom como única saída a um futuro de miséria no nosso país.
Nom devemos esquecer, aliás, que Rebeca Domínguez está imputada na operaçom Pokémon, conhecida trama de corruçom que salpica já a boa parte do governo municipal, resultando verdadeiramente insultante que se presente ante a juventude trabalhadora de Compostela com propostas que nos animam a emigrar.
REBECA DOMÍNGUEZ, CORRUPTA, EMIGRA TU!
JOVEM, NOM EMIGRES QUE SE VAIAM ELES!!