13 jovens independentistas catalás detid@s em Gandia
Agosto de 2005
O passado dia 29 de Julho tivo lugar na Escola Politécnica Superior de Gandia (Països Cataláns) umha concentraçom de jovens militantes das organizaçons independentistas CEPC e Maulets, contra a presença de Fernando Giner, militante do Partido Popular, presidente da Deputaçom Provincial do País Valencià e presidente do conselho de administraçom de diferentes empresas.
A concentraçom enquadrava-se na denúncia do emprego de espaços públicos para a apologia espanholista e fascista, para difundir localismos e criar divissom que combata o projecto nacional catalám.
Durante o transcurso da mesma e sem nengum tipo de provocaçom, @s concentrad@s som identificados, conduzid@s a um estacionamento e umha vez lá encanhonad@s polos agentes da polícia local e retid@s até a chegada da polícia espanhola, que procederia à detençom d@s 13 jovens.
Estes factos deitam luz sobre os métodos policiais e o emprego sistemático da repressom, da violência e da intimidaçom por parte do Estado espanhol como os meios de combater a disidência e a oposiçom política. O debate, o consenso e a negociaçom revelam-se falácias concorrentes em jornais e programas de televisom, longe de qualquer cercania com a realidade dum estado que nom permite nem a mais legítima liberdade de expressom.
De BRIGA transmitimos a nossa solidariedade e alento internacionalista a estas/es trece jovens independentistas detid@s assim como a CEPC e Maulets para que continuem na luita conseqüente e insubornável na defesa dos direitos da juventude catalá.