BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

A juventude deve mobilizar-se polo futuro e a soberania do país

imagem Maio 2013

Junho começa forte defendendo o nosso direito a umha Galiza livre de exploraçons agressivas com o território. Atentados contra o país que nos deixam lijo e postos de trabalhos estacionais vinculados a ciclos de produçom em que Galiza apenas joga o papel de provedora de matéria prima, sem desenvolvimento integral da cadeia produtiva. Com rios contaminados, rias fedorentas e aquíferos infestados de metais poluentes.

Duas manifestaçons de grande importáncia terám lugar em Ponte Vedra e Marim, e Compostela. A primeira, convocada pola Associaçom em Defesa da Ria (APDR), para exigir a finalizaçom da concesom a ENCE, que mantém a presom sobre um futuro incerto, mas no qual a juventude nom vamos ter nengumha oportunidade mais que dedicar-nos a padecer lustros de recuperaçom dumha ria estragada e dumha política florestal que tem convertido o país num eucaliptal caótico para benefício das madeireiras.

Ao dia seguinte decorrerá em Compostela a marcha nacional contra a política da Junta, que abriu a veda para umha intensa propagaçom das exploraçons mineiras na Galiza. Entre elas a que mais sona leva estes dias, a de Corcoesto, na comarca de Bergantinhos. Umha batalha de ideias entre o benefício imediato dumhas poucas dúzias de postos de trabalho para uns poucos anos, e a conservaçom do meio para aproveitamento da vizinhança e o desenvolvimento de políticas ativas de recuperaçom do uso das terras do rural galego frente ao abandono e o descuido. A juventude tem aqui também muito que perder ou ganhar: a riqueza da natureza que oferece centos de possíveis exploraçons em equilíbrio com o meio e a saúde das pessoas, nomeadamente d@s trabalhadores/as, além da nacionalizaçom dos benefícios e nom a sua venda ao melhor postor no mercado das grandes transnacionais.

O futuro de Galiza somos nós. A juventude necessita que Galiza viva.
PARTICIPA! ORGANIZA-TE E LUITA!

1 de junho:
19h30 Alamedas de Marim e Ponte Vedra

2 de junho:
12h Alameda de Compostela