Organizamos ceia solidária em Compostela

Campanha Nom nos calarám! STOP repressom económica contra a juventude rebelde!

Junho 2013

Compostela é o paradigma de cidade onde existe umha abafante perseguiçom dos movimentos sociais e políticos que nom dançam ao compasso do neofascista governo compostelano.

Enquanto a maioria d@s vereadores/as da cámara municipal se revelam implicad@s na Operaçom Pokémon, perseguem e ordenam multar a juventude independentista por factos tam "ameaçantes" como colar cartazes. Umha macabra medida que gera um desgaste económico inassumível para umha organizaçom que como BRIGA deve auto-financiar-se.

Assim, como já temos anunciado numerosas vezes, BRIGA enfrenta mais de 12.000€ a pagar em conceito dumha longa listagem de multas. Por isso é que iniciamos a Campanha Solidária "Nom nos calarám" para recolher as achegas de quem tenha a bem colaborar com a juventude rebelde galega.

No marco desta campanha, realizamos em Compostela umha CEIA SOLIDÁRIA a vindoura sexta-feira 7 de junho às 21h30 no C.S. O Pichel.
Por um bono solidário de 10€ poderás desfrutar dumha ementa com:

- Salada russa
- Carne ao caldeiro
- Doces variados

E depois FOLIADA!

Se queres assistir podes enviar um correio a: compostela@briga-galiza.org ou ligar para o telefone: 618 868 853.

Anima-te e colabora com a juventude rebelde galega!
NOM NOS CALARÁM!