BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Apresentada publicamente mobilizaçom juvenil independentista unitária para 24 julho

imagem

Julho 2013

Esta manhá jovens militantes apresentárom na Praça de Praterias de Compostela o manifesto e a convocatória unitária de manifestaçom que decorrerá este 24 de julho em Compostela como jornada prévia ao Dia da Pátria. A já tradicional jornada patriótica de conteúdo juvenil, será-o nesta ocasiom num formato e dimensom inéditas.

"Mocidade galega erguendo o seu futuro: INDEPENDÊNCIA!" será a resposta galega em forma de legenda a espalhar por Galiza toda com a raiva de quem padecemos emigraçom, trabalhos escravagistas, dependência familiar, ofensiva machista, destruiçom da nossa identidade nacional e do nosso território, ou aplicaçom de restritivas políticas de acesso a umha educaçom pública, universal e de qualidade.

Adiante, Agir, AMI, BRIGA, Comités, Galiza Nova, Isca! e LEGA. Som as oito entidades que temos organizado em rolda de imprensa ao ár livre na capital do país a próxima cita independentista. Umha mobilizaçom unitária histórica em que confluirá a prática totalidade da juventude organizada na esquerda nacionalista ou independentista da Galiza.

Porta-vozes das oito entidades intervírom hoje de manhá para explicar, primeiro, os motivos que dérom lugar à convocatória e a urgência dumha resposta contundente da juventude galega em chave soberanista à crise do capitalismo e a miséria a que nos condenam UE e Espanha. Segundo, deu-se leitura ao manifesto, que disponibilizaremos na íntegra proximamente na rede.

A seguir, precisárom-se os termos da convocatória, que sairá às 20 horas da Alameda. E, por último, anunciou-se que nos próximos dias decorrerá umha campanha que abrangerá diversas comarcas do país. Para expressarmos nas ruas que a independência é o único futuro em liberdade que esperamos, e dar a maior difusom à manifestaçom nacional.