BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Selecçons galegas JÁ! Adiante Siareiros Galegos

imagem

Agosto de 2005

Em declaraçons a diversos médios de comunicaçom, Santiago Domingues Oliveira, futuro Secretário Geral para o Desporto manifestava que "Galiza tem de contar com umha selecçom galega de futebol como tenhem as outras comunidades autónomas, nom tem por quê ser distinta". Além do mais, o que fora vereador autonomista no Concelho de Vigo mostrava o seu interesse em estudar a viavilidade de criar um clube ciclista profissional galego.

Da juventude independentista organizada em BRIGA consideramos possitivo que estas declaraçons abram um debate que até o de agora estava totalmente silenciado nos mass media mas cuja vigência se via reflectida decote nos campos de futebol a través de faixas reivindicativas mostradas polas torcidas das equipas de futebol. Tanto Riazor como Balaídos, ao igual que outros campos do país, tenhem berrado em prol da constituiçom de umha selecçom nacional de futebol. Aliás, esta reivindicaçom nom foi apenas demandada por importantes sectores do nosso povo senom que tenhem sido importantes figuras públicas do desporto galego quem tenhem feito público o seu desejo por poder chegar algum dia a vestir a camisola azul e branca.

A juventude galega deve dar um novo pulo ao movimento associativo que nos últimos anos se foi tecendo na Galiza sob diferentes fórmulas em Siareiros Galegos e que tem reivindicado a través de iniciativas de diversa índole o direito da nossa naçom a contar com umha selecçom.

Porém nom podemos deixar mostrar a nossa procupaçom polos limites que a Conselheira de Desportos da Junta da Galiza, quer impor às nossas selecçons. O movimento associativo deve denunciar o confinamento das nossas selecçons ao desporto do futebol e o intento de restringir as nossas aspiraçons no campo do ciclismo a umha equipa profissional. A nossa selecçom nacional nom se pode limitar a um desporto máxime quando foi precisamente noutros desportos onde mais êxitos alcançárom os nossos desportistas. Poderíamos citar o caso do piragüismo onde foi um jovem do Morraço quem ganhou duas medalha de ouro nas passadas olimpíadas ou em mountain bike onde foi um emigrante galego quem chegou ao pódio. Tampouco nos podemos conformar com a criaçom dumha equipa de ciclismo quando depois as promesas galegas som obrigadas a representar Espanha nos mundiais. Nós nom queremos umha selecçom autonómica como propom Domingues Oliveira. Nós queremos umha selecçom nacional que poda competir em pé de igualdade com as outras selecçons do mundo, que represente o nosso povo além de nos amistosos nos mundiais, nas olimpíadas, nos torneios internacionais... Umha selecçom onde tenham cabida tod@s @s desportistas, desde @s atletas aos jogadores/as de basquete ou de futebol salom.

Por último desde BRIGA também queríamos reivindicar a necessidade de que desde a Conselharia de Desportos se fomentem os desportos e jogos tradicionais galegos que fôrom criados polo imaginário popular galego e que estám totalmente abandonados a nível institucional.

Selecçom galega JÁ!!