Lembrando Reboiras. Também na Corunha.

O militante comunista e independentista galego continua a ser exemplo das novas geraçons de militantes da esquerda nacional, e fazemos mostra pública deste orgulho por tê-lo como referente da rebeliom, como nom, na rua.

Após ter rematado o mural, três jovens fôrom identificados pola polícia espanhola. Mas nom só. Durante mais de 45 minutos, dous agentes do corpo armado requisárom centos de colantes, panfletos, cartazes e todo o tipo de documentos e objetos da mais diversa natureza no carro dum dos companheiros, que se encontrava perto do lugar do mural, após ter arrebatado sem permisso nem justificaçom das chaves do veículo.

BRIGA quer denunciar o assédio sistemático a que a nossa militáncia se vê submetida por ser o que é. A perseguiçom política espanhola demonstra-se umha realidade porquanto a polícia espanhola nom persegue apenas a realizaçom de representaçons gráficas de reivindicaçom política em espaços sem utilidade ou deslozidos, mas também aproveita a ocasiom para incomodar e procurar causar um dano maior apropriando-se de pertenças pessoais e coletivas com que pretendem "instruir-se" (sic), tal e como dixo na ocasiom de que falamos umha das agentes.