BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA participa do Dia da Galiza Combatente em Redondela

imagem

Outubro 2013

Amanhá decorre em Redondela o ato central do Dia da Galiza Combatente, organizado como cada ano nestas datas pola organizaçom política NÓS-Unidade Popular.

A entidade patriótica decidiu homenagear este ano a luitadora antifranquista e revolucionária galega-cubana Maria Araújo, vítima do fascismo espanhol e combatente sem trégua pola pátria soberana e a emancipaçom social e de gênero em Cuba, tendo sido partícipe da constituiçom da Federaçom de Muheres Cubanas.

Maria Araújo, natural de Carril, encarna-se hoje em dúzias de ativistas que ao longo do país incorporam o seu exemplo a esse historial dumha Galiza insubornável que sempre, sempre, sempre existiu.

Hoje 12 de outubro, celebraçom espanholista herdada do racismo imperialista da Espanha grande que aniquilou milhares de culturas polo mundo adiante, Galiza está na vêspera dum dia de reflexiom sobre o muito que temos contribuído desde este extremo de Europa à emancipaçom do gênero humano, começando por nós própri@s.

Amanhá a companheira da Mesa Nacional de BRIGA, Eva Cortinhas, intervirá, junto com outras entidades convidadas pola Unidade Popular, na Praça da Constituiçom de Redondela a partir das 13h, para rememorar o melhor deste Povo, e o seu vivo legado na militáncia da esquerda independentista.

MARIA ARAÚJO: DOUS COMBATES, UMHA MESMA LUITA!

VIVA A JUVENTUDE COMBATENTE DA GALIZA!