24 de Outubro. Greve por um ensino público galego
Outubro 2013
Amanhá toda a comunidade educativa da Galiza está chamada a secundar umha greve contra a nova Lei Orgánica do ensino no Estado espanhol, impulsionada e aprovada polo Partido Popular em solitário, e auspiciada entre outros pola Conferência Episcopal espanhola e diversas setas nacional católicas de aroma franquista.
A esquerda independentista, através da sua organizaçom estudantil, AGIR, leva vários dias promovendo conjuntamente com os outros dous sindicatos estudantis da esquerda nacional, Comités e LEG, umha resposta conjunta de parámetros patrióticos e remisos à espanholizaçom e o recentralismo madrileno.
O trabalho de difusom da crítica à reforma alcumada de LOMCE polas suas siglas, nom rematará com a jornada de mobilizaçom estudantil de amanhá que se prevê massiva. AGIR tem iniciado umha campanha nacional em que a explicaçom das formulaçons catequéticas, antigalegas, reacionárias, elitizadoras, privatizadoras e acientíficas que rezuma a lei, devém um eixo chave da consolidaçom dum fluxo contestatário mais necessário do que nunca.
É por isso que a esquerda independentista deve protagonizar, frente ao clássico e curtoprazista discurso anti-PP, umha formulaçom em positivo explicando que é para nós a escola galega, para que a queremos, e em que deve consistir um ensino público universal, gratuito, antipatriarcal, galego e de qualidade.
Lembrai que há mobilizaçons previstas até em 14 localidades galegas: Ferrol, A Corunha, Compostela, Ponte Vedra, Vigo, Lugo, Ourense, Cee, Lalim, O Barco, Vilagarcia, Ribeira, Burela e Carvalho.
Une-te com umha bandeira da pátria e responde em galego ao extermínio educativo de Wert, Rajói, Feijó e Vázquez.
TOD@SÀ GREVE!