BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA-Compostela desenvolve campanha agitativa contra o governo municipal

imagem

Novembro 2013

Com motivo do último escándalo de corrupçom protagonizado polo governo municipal do PP, o Grupo de Base de BRIGA em Compostela pujo-se maos à obra para denunciar esta insustentável situaçom numha cidade que alcança já umhas cifras desorbitadas de desemprego e miséria material enquanto umha equipa de ladrons continuam a coordenar o espólio à vizinhança sem o mais mínimo rubor.

Para isto, recuperamos a nossa folha agitativa comarcal Pedra Vermelha e junto à colagem de faixas gigantes, distribuímos por toda a cidade a nossa mensagem de denuncia e disposiçom à luita contra todo aquele que vive do nosso trabalho.

A seguir, disponibilizamos o conteúdo do Pedra Vermelha:


10 DE 13: JOVENS NA MISÉRIA, CORRUPTOS NO PODER!

Recentemente conhecíamos que mais sete concelheiros/as do PP compostelano estavam imputad@s por delitos de prevaricaçom num outro episódio de corrupçom e espólio ao povo protagonizado polo aparelho de governo municipal.


Mais corruçom

Estes sete indivíduos som cúmplices de terem permitido que os custos da defesa jurídica de Adrián Varela, anteriormente imputado na Operaçom Pokémon, fossem pagos com dinheiro do Concelho, fazendo assim que já 10 em 13 vereadores do PP estejam implicados em diversos delitos de corrupçom.

Adrián Varela, concelheiro de desportos e jovem membro das fascistoides Nuevas Generaciones, conta com o paradoxal privilégio de aceder ao erário público para sufragar a defesa ante a sua imputaçom por corrupçom. Assim, enquanto a juventude trabalhadora compostelana ficamos ancoradas no desemprego e exploraçom, assistimos a este lamentável espectáculo no que jovens como Varela, aprendizes da lógica da corrupçom, do engano, do indecoro e o espólio, som colocados em cargos públicos para gestionar o roubo a um povo cada vez mais depauperado.


Mais desemprego

8.677 vizinh@s de Compostela figuram registad@s nas listas oficiais do desemprego numha cidade que nom chega a 100.000 habitantes. Umha cifra que sendo já de por si elevadíssima, ainda supom maior gravidade de termos em conta que a cámara municipal está sob o mando dumha equipa corrupta e ilegítima que muito ao contrário de agir ao serviço da vizinhança, está permanentemente implicada em casos de práticas irregulares e corrupçom gerando total desconfiança entre todas e todos nós.


Mais repressom

Porém, a pesar do enormemente deslegitimado que está o governo municipal, este continua empenhado em desviar a atençom e fazer da nossa cidade um recanto repressivo e de perseguiçom do ativismo político e cultural sem igual. Pouco acostumados ao trabalho militante sem recompensa económica, desconhecedores do compromisso e a ética, devem julgar pouco apropriado que jovens condenad@s à miséria da qual eles som gestores e promotores, saiamos às ruas para responder e defender-nos dos seus permanentes ataques. É assim que continuam enviando agentes das forças repressivas a perseguir-nos, intimidar-nos e sufocar-nos com sançons económicas pola nossa atividade política, fazendo-nos passar por delinqüentes violentos e vándalos, enquanto a verdadeira delinqüência organizada está apoltronada no governo municipal.


Mais luita

É por isso que em BRIGA apostamos por saír à rua e luitar, por erguer a voz quando cachorros criminosos como Adrián Varela som premiados com dinheiro público enquanto a juventude consciente é castigada e reprimida, por denunciar a nossa precariedade e defender alternativas a este sistema que bebe da corrupçom e o espólio por parte das elites dirigentes, por criar espaços de auto-organizaçom popular que expulsem quem nom está ao serviço do povo e contribuir, assim, a construir umha verdadeira democracia.

Contra um poder corruto e antipopular: dissoluçom do governo municipal!