Nova concentraçom contra a corrupçom no governo compostelano

Novembro 2013

Ante um dos mais escandalosos casos de corrupçom que tem visto Compostela, em que 10 d@s 13 vereadores já figuram entre os imputados por fraude fiscal, irregularidades em contratos e concesons públicas, suborno, assédio laboral, entre outras inadmissíveis formas de saqueio de dinheiro público, várias entidades sociais, políticas, culturais e sindicais, voltamos às ruas para denunciar o espólio ao povo que o governo do PP compostelano está a protagonizar.

Assim, a vindoura quinta-feira 28 de novembro às 17h, ditas entidades (Anova, AGIR, BNG, BRIGA, Causa Galiza, CIG, Comités, Esquerda Unida, FRUGA, Galiza Nova, Gentalha do Pichel, Isca!, Liga Estudantil Galega e Nós-UP) convocamos umha nova concentraçom na praça do Obradoiro para exigir mais umha vez a demisom do delinquente alcaide Currás, a dissoluçom da Corporaçom municipal e a imediata convocatória de novas eleiçons.

BRIGA apela ao conjunto da juventude da comarca a mobilizar-se contra um governo corrupto e ilegítimo que nom representa os interesses da maioria social compostelana.

PORQUE COMPOSTELA NOM MERECE ESTE GOVERNO, MOBILIZA-TE!