BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas

Mais um ano, joga a nossa seleçom!

imagem

Dezembro 2013

A tradicional jornada do mês de natal organizada polo coletivo Siareir@s Galeg@s volverá este ano. A cidade de Lugo acolherá umha série de atos à volta da reivindicaçom nacional de seleçons desportivas próprias, nom excludentes e machistas, nem submetidas ao poder do capital e o espetáculo alienante.

Ocitânia, umha antiga naçom reivindicada sobre o território do sul da atual República francesa, jogará contra Galiza às 20h no Campo do Polvorim. Este será o enêssimo jogo autogerido polo coletivo Siareir@s Galeg@s desde o retorno à Junta de Galiza dum Partido Popular que, sem escatimar recursos, sim permite jogar a seleçons de todas as demais demarcaçons institucionais autonómicas do Estado cujas reivindicaçons nom ameaçam o projeto unitarista de Espanha.

Antes, segundo informa o coletivo SG, haverá um jantar, um aberto de bilharda para difundir a sucedida recuperaçom deste jogo popular galego, e umha manifestaçom que sairá desde a Praça Maior às 18h, e que será o eixo central da expressom de rua do orgulho galego.

Abrir-nos portas além do marco estatal é nom só um reforçamento da nossa identidade que incrementa a consciência nacional e portanto a imunidade a ser absorvid@s polo projeto capitalista espanhol. Também abre as portas a um futuro mais digno para o desporto de base local se reivindicar frente ao marco de elite desportiva espanhola. Para a construçom dum outro modelo desportivo autocentrado nas necessidades juvenis de igualdade sexual, coesom e integraçom social, benefícios na saúde física e psicológica, pluralidade de disciplinas, e prática ativa frente ao consumo passivo.

Ainda, haverá um concerto para encerrar os eventos. Será a partir das 23 h na Esplanada Rosalia de Castro.