BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas

Por um 2014 de força, luita e futuro para a juventude

imagem

Dezembro 2013

Ase os jovens que fazemos parte de BRIGA queremos saudar a entrada do 2014 a todas e todos os jovens do País que sonham com umha Galiza Ceive, livre de exploraçons e dominaçom patriarcal. E, nomeadamente, àquelas e aqueles que junto com nós, na batalha diária da militáncia, na colaboraçom, na ajuda e solidariedade, no carinho e a fraternidade, emprestam as suas forças para manter desde há quase 10 anos em pé este projeto revolucionário de Galiza, para as suas camadas populares, e em chave juvenil. E nom só em pé, mas em marcha ininterrompida e orgulhosa pola popularizaçom das ideias básicas que devem mover a açom teórica e prática dum/ha jovem de esquerdas na Galiza de hoje em dia.

Sabemos que a situaçom atual de milhares de jovens tem obrigado e obriga à emigraçom. A esses e essas amizades, companheir@s, familiares que temos longe, expuls@s ante a destruiçom sistemática deste país governado por lacaios servis a Espanha e nom ao nosso próprio desenvolvimento como Pátria soberana com futuro para tod@s, a eles e elas enviamos também umha aperta de ánimo e esperança no seu regresso a um país recuperado das maos do inimigo.

Também somos conscientes, como nom, da miséria em que milhares de jovens deste país sobrevivemos. Contra o sentimentalismo funcional da caridade, queremos transmitir a nossa vontade de resistência sobre a ruína que suponhem Espanha, o Capital e o Patriarcado para a juventude galega. Firmeza para sobreviver. Mas nem só. Também para juntar as forças que permitam dar passos adiante. Percorrer o caminho perdido nesta luita de classes que nos estám a ganhar com o nosso sangue e suor. E avançar ainda mais até um horizonte de emancipaçom em que tenhamos menos tempo para a dor e o sofrimento, e mais para o prazer e a felicidade.

Este ano BRIGA vai fazer 10 anos. Como no seu dia figérom primeiro as nossas organizaçons irmás. A estudantil AGIR, e a política NÓS-Unidade Popular. Queremos chegar a essa altura com mais forças do que nunca. E utilizar a efeméride para botar mais gasolina ao lume, e ir adiante com mais força ainda.

POR UM 2014 DE LIBERDADE PARA GALIZA!

POR UM 2014 DE LUITAS E VITÓRIAS PARA A NOSSA CLASSE!

POR UM 2014 DE CONTUDENTES GOLPES AO MACHISMO!