12 de Outubro: Fora a bandeira espanhola. Paco Vasques alcaide espanholista

Outubro de 2005

Convocatória popular contra a bandeira espanhola
12 de Outubro às 12 h diante do Hotel Riazor (Corunha)

O alcaide da Corunha, conhecido polo seu ódio a todo o galego e polas suas posiçons ultras e filo-fascistas, volve de novo à carga. Após a sua teima por impor o nome espanholizado da nossa cidade e por atacar constantemente os direitos lingüísticos d@s galego-falantes e saltar-se as leis espanholas que logo tanto di defender agora surpreende-nos com um bando municipal cujo conteúdo nos lembra ao pesadelo do fascismo espanhol.

A nova batalha em que se embarcou Paquito resulta que nom é outra que pôr um trapo na Coraça do Orçám que segundo afirma ele próprio é o "símbolo da unidade da naçom espanhola". Junto a esta paranoica afirmaçom encoraja a todos os corunheses a participar no acto do "dia nacional de Espanha" lembrando, assim mesmo, a homenagem que "redimos todos os corunheses" às forças armadas espanholas.

A bandeira de Espanha, queira Paco ou nom, é percebida por grande parte d@s corunheses como o que é, um símbolo fascista, umha bandeira alheia ao nosso país, umha bandeira negadora dessas liberdades demócraticas das que ousa falar, pois as suas cores representam o projecto imperial espanhol e a vitória fascista de 1936, as cores que defendêrom grandes assassinos, alguns ainda lembrados na cidade como os irmaos Canalejo. É a bandeira da monarquia espanhola. Umha bandeira estrangeira que nega o direito democrático de autodeterminaçom à naçom galega, rouba às classes trabalhadoras e oprime as mulheres. É a bandeira que nega o direito que tem o povo galego a decidir livre e democraticamente o seu futuro.

Ao igual que centos de galegos e galegas saímos à rua para denunciarmos a presença do exército espanhol na Galiza e reclamamos e berramos alto e claro que se vaiam! cumpre de novo sairmos à rua para nos opor a este novo agrávio ao nosso país. Por isto desde BRIGA chamamos a tod@s @s jovens a acudir à concentraçom convocada para amanhá dia 12 de Outubro às 12 diante do Hotel Riazor.

FORA A BANDEIRA ESPANHOLA!!