BRIGA edita na comarca de Muros-Noia o seu vozeiro comarcal "A Revolta do Vento"
O Grupo de Base de BRIGA na comarca de Muros-Noia vem de editar o primeiro número do seu vozeiro comarcal, A Revolta do Vento. Esta publicaçom, de carácter trimestral, pretende ser a voz escrita da juventude revolucionária numha comarca que se caracteriza, como tantas outras no nosso país, pola extrema fraqueza do tecido associativo juvenil. Precisamente, a editorial deste primeiro número está dedicada a reflectir sobre a necessidade da auto-organizaçom juvenil na Comarca.
A publicaçom inclui umha apresentaçom do que é BRIGA, muito necessária após o forte trabalho agitativo despregado na Comarca durante os últimos meses, e denuncia a censura à que nos vimos submetid@s polo governo municipal do concelho de Muros. Aliás, na Revolta do Vento pode consultar-se umha entrevista ao Kiko, monitor desportivo em Muros, quem analisa a participaçom d@s jovens da Comarca em actividades desportivas. Finaliza este número com um artigo sobre o processo repressivo que está a viver a nossa organizaçom e que ameaça com a sua ilegalizaçom.
Este primeiro número, que já podes descarregar em PDF, é apenas o começo dumha publicaçom que mostrará às/aos jovens da Comarca a nossa visom sobre muitos dos problemas aos que estes/as se enfrentam dia trás dia, com a pretensom de mostrar que só com a luita popular e organizada poderemos construir umha sociedade mais justa, e animá-l@s a que se organizem em BRIGA.