BRIGA ocupa a sede da CEG em reposta às declaraçons do Antonio Fontenla

Janeiro de 2005

Às 11:00 horas da quarta-feira 12 de Janeiro, umha veintena de militantes de BRIGA protagonizárom em Compostela um acto de protesta na sede da Confederaçom de Empresários Galega (CEG), entrando no edifício da entidade para ocupa-lo.
As pessoas concentradas berrárom consignas como "acidente laboral, terrorismo patronal" e "trabalho digno para a mocidade" e despregárom umha faixa com a legenda "Fontenla e CEG, inimigos da juventude obreira".

BRIGA resposta deste contundente jeito as últimas declaraçons que o presidente da CEG, António Fontenla, figera a umha rádio espanhola. Nas mesmas, o lider do patronato galego reclamava umha diminuiçom dos salários na Galiza, para criar maior competitividade entre as empresas.

Nom é esta a primeira vez que Fontenla fai afirmaçons deste calibre, sendo também suas sentenças nas que anima às constructoras a emprender negócios no Iraque arrassado polas forças de ocupaçom, defende junto ao espanholista a ultrança Francisco Vázquez a necessidade do porto exterior na Corunha ou expressa a identificaçom do empresariado galego com o projecto político do PP.
Sendo umha das cabeças mais visíveis do empresariado na Galiza, além dum reconhecido quadro empresarial a nível europeu no sector da construçom, BRIGA considera que estas declaraçons som umha burla na face da mocidade galega escravizada em trabalhos precários, com jornadas laborais de 12 e 14 h, mas umha verdadeira apologia do neoliberalismo selvagem, da exploraçom brutal de moç@s condenad@s a ser mao de obra barata e temporária para fazer as empresas mais "competitivas".

Polo tanto, BRIGA agiu em conseqüência, denunciando o papel das empresas na gravíssima situaçom que estám a atravessar @s operári@s galeg@s, em especial a mocidade e as mulheres, e assinalando Fontenla como porta-voz e promotor directo da terrível realidade laboral da mocidade galega.