O movimento contra a CPE nom da trégua

Especial Mobilizaçons juvenís na França contra o CPE

Março de 2006

:. Massivas e combativas mobilizaçons da juventude na França contra a precarizaçom laboral ..+

Após a massivas manifestaçons registadas o passado Sábado 19 de Março, na que mais dum milhom de pessoas saírom à rua nas princiapais cidades francesas para exigir a retirada do Contrato do Primeiro Emprego (CPE), a mobilizaçom continua e nom dá sinais de trégua. Assim a quinta-feira dia 23 França viviu umha nova jornada de luita, protagonizada por centos de jovens que mais umha vez pugérom em xeque as forças de choque.

A mobilizaçom mais importante desta última jornada de luita contra a reforma que permitirá aos empresarios o despedimento dos menores de 26 anos nos primeiros 24 meses de contrato sem alegar razom nengumha, registou-se de novo em Paris ainda que também houvo manifestaçons em Rennes, Marsella ou Lyon. As marchas fôrom acompanhadas por umha abafante presença policial o que provocou duros enfrentamentos durante todo o dia que tivérom como resultado a detençom de um total de 420 pessoas e dezenas de ferid@s.

Como vem sendo habitual os meios de (des)informaçom galegos voltárom a cargar com sanha contra os jovens que venehm protagonizando a luita contra reforma defendida polo Governo Chirac e Villepin e desta volta agitam o fantasma das bandas (serám os Ñetas ou Latins Kings?) para criminalizar a luita contra a precarizaçom laboral da mocidade em França. É claro que certos meios estám embarcados numha espécie de cruzada para criminalizar a todo o que fique fora do controlo adulto e como já nos tenhem demonstrado nom duvidam em utilizar a mais grotesca manipulaçom para lográ-lo.

Mas apesar destes manipuladores de estómago agradecido e das ingentes quantidades de polícias de choque, @s jovens continuam avante com a sua contestaçom sem trégua aos planos planos do capital. O seu é sem dúvida um ejemplo do que @s jovens galeg@s temos que tomar boa nota ante os desafios que nos esperam.