BRIGA levará a Portugal as suas reflexons sobre os golpes repressivos sofridos por parte da juventude independentista galega

Especial STOP repressom!!

Março de 2006

Nesta quinta-feira 30 de Março BRIGA dará umha palestra na cidade portuguesa de Coimbra sobre a repressom que nos últimos meses vem sofrendo a esquerda independentista galega e muito especialmente a nossa organizaçom, alvo da repressom policial espanhola em múltiplas ocasions, chegando a afrontar recentemente um processo de ilegalizaçom a pesar da sua curta vida.

A palestra organizada pola Associaçom Portuguesa de Solidariedade com a Galiza terá lugar na Universidade Coimbrá e suporá a estrea desta entidade que tem como finalidade denunciar a opressom nacional que sofre a Galiza por parte do Estado espanhol e achegar a realidade galega ao povo português.

Desejamos umha boa andaina a esta associaçom internacionalista e aguardamos que contribua para seguir a tecer os laços de irmandade que tenhem ligado a ambos os dous povos tanto lingüística como culturalmente.