Repichoca e concerto para as noites da EF'06

Março de 2006

:. Escola de Formaçom´06. Procurar a memória da resistência ..+

Igual que na ediçom anterior da Escola de Formaçom celebrada em Salvaterra de Minho a oferta lúdica para as noites das jornadas vem de maos dadas da música, com a organizaçom dumha repichoca e dum concerto.

Assim na noite da sexta-feira, após as actividades da tarde que decorrerám no Ateneu Ferrolám, celebrará-se umha repichoca popular na Fundaçom Artábria, na qual poderemos desfrutar da nossa música tradicional.

A noite do sábado, jornada dedicada aos seminários sobre a recuperaçom da memória histórica, intuito formativo do conjunto da Escola, fechará-se com um concerto na Sala Dzine, em Sam Sadurninho. Se o ano passado o grupo convidado foi o conjunto de rap-metal Presencia Zero, nesta ocasiom contamos com a banda galega de metal-hardcore NAO, que com a sua primeira maquete "Usa a palavra" estám a causar sensaçom na cena musical da Galiza. O relevo tomarám-no CHE SUDAKA, grupo de argentinos afincados em Barcelona, que fam de cada concerto umha descarga de energia. Dilhei Luís Fervesteiro encerrará a noite com umha selecçom de música.

Sem dúvida junto com os seminários e roteiros a oferta musical é um dos pontos fortes desta ediçom da Escola de Formaçom.

Sexta-feira 7 de Abril
22h00 Repichoca na Fundaçom Artábria

Sábado 8 de Abril
22h00 Concerto Sala Dzine (Sam Sadurninho)
NAO
CHE SUDAKA
Dilhei Luís Fervesteiro