Seminários da EF´06 dedicados à recuperaçom da memória histórica

Abril de 2006

:. Escola de Formaçom´06. Procurar a memória da resistência ..+

Procurar a memória da resistência, palavra de ordem sob a que decorrerá a terceira ediçom da Escola de Formaçom, é precisamente o intuito dos seminários e palestras programadas durante o fim de semana. No ano em que se cumprem 70 anos do alçamento fascista e as instituiçons autonómicas decidírom dedicar à memória d@s vencid@s, é mais necessário do que nunca que @s luitadores/as de hoje dominemos as chaves para interpretar o passado. Assim os seminários do Sábado e o roteiro e a palestra do Domingo à tarde estám dedicados ao conhecimento e a recuperaçom da memória deste intenso periodo histórico da Galiza.

Durante o Sábado há programados três seminários, dous de manhá e um último pola tarde. O primeiro, que dará comezo às 10:00 h e será ministrado por Noa Rios, historiadora e membro da Direcçom nacional de NÓS-UP, leva por título A mulher no nacionalismo galego e girará arredor da relaçom entre o nacionalismo galego de pré-guerra e a luita entre a igualdade de mulheres e homens.
O segundo está programado para às 12:00 h e estará dedicado a analisar o contexto social e político na Galiza durante a II República. O seminário estará impartido por André Seoane e leva por título A II República na Galiza.

Já pola tarde, após o jantar, desenvolverá-se o último seminário do Sábado. Assim às 16:30 h dará começo o debate que leva por título Memória histórica, umha visom nacional e social de género ministrada por carlos Morais, historiador e membro da Diracçom Nacional de NÓS-Unidade Popular, no que se achegarám chaves para interpretar o que chamamos recuperaçom da memória histórica, definindo a proposta independentista sobre a questom.

Durante o Domingo à tarde, concretamente às 17:00 h, @s participantes na Escola realizaremos umha visita ao cemitério de Catabois, no que existem várias fossas comuns de fusilad@s e passead@s, onde Bernardo Maiz, historiador especializado neste período histórico, falará sobre a repressom e a resistência ao alçamento do 36 na comarca de Trasancos. Esta visita e palestra marcarám o ponto e final deste encontro anual do estudantado e a juventude da esquerda independetista.

10h00 Seminário "A mulher no nacionalismo galego" por Noa Rios

12h00 Seminário "A II República na Galiza" por André Seoane

16h30 Seminário "Memória histórica, umha visom nacional e social de género"

17h00 Visita ao Cemiterio de Catabois e palestra "Repressom e resistência ao alzamento em Trasancos" por Bernardo Maiz