BRIGA organiza o concerto Sons jovens em Compostela

Maio de 2006

Coincidindo com a celebraçom das Festas da Ascensom, BRIGA organiza a quinta-feira 26 de Maio o concerto Sons jovens em Compostela com o intuito de criar um espaço para grupos locais e a mocidade no programa dumhas festas institucionais que costumam adicar-se à música mais comercial e marginam às bandas da comarca.

Os actos do Sons jovens em Compostela comezarám às 20h00 quando Os Veraneantes e a sua pachanga percorram as ruas da Zona Velha para quentar os motores do concerto que comezará arredor das 21h00. O programa do concerto que decorrerá na Praça 8 de Março, na Porta do Cominho, inclue a participaçom de Ice Wind, Codename, Brétema e Grhumo, todos grupos de jovens da cidade e da comarca.

Mas esta iniciativa vai mais alá da organizaçom dum concerto e nos próximos meses BRIGA editará umha selecçom de temas em directo gravados durante a actuaçom dos grupos participantes e entrevistas sobre a cena musical alternativa em Compostela, com testemunhos de integrante de vários grupos da cidade e comarca assim como persoas participantes em projectos para a potenciaçom destes conjuntos.

A organizaçom do Sons jovens em Compostela suma-se às numerosas iniciativas que BRIGA desenvolve desde a sua fundaçom, com a celebraçom periódica de concertos com grupos galegos, os últimos coincidindo com o 10 de Março e o 1º de Maio em Trasancos e Ponte Vedra repectivamente.

Sons jovens em Compostela

26 de Maio às 21h00 na Praça 8 de Março (Porta do Caminho)

- Passa-ruas com Os Veraneantes

- Ice Wind (heavy-metal)

- Codename (funk-metal)

- Brétema (hard-metal)

- Grhumo (death-metal)