Acto polo NOM na Universidade de Valência

Campanha Galiza contra a Constituiçom Europeia

Fevereiro de 2005

Na passada quarta-feira 16 de Fevereiro Diego Bernal Rico, membro da Mesa Nacional de BRIGA, participou na cidade catalá de Valência numha palestra em representaçom da Plataforma Galega polo NOM à Constituiçom Europeia. No acto, organizado pola Coordinadora d'estudiants dels Països Catalans, intervírom além do nosso companheiro, Iñaki Gil de SanVicente, militante da esquerda abertzale, e Núria Cadenas, escritora e militante da esquerda independentista catalá.

A palestra que levava por título "Como afecta a Constituiçom Europeia a Euskal Herria, Galiza e aos Països Catalans" era a derradeira de um ciclo que @s noss@s companheir@s cataláns/ás desenvolvérom na Universidade de Valência ao longo de vários dias e que visava explicar desde diferentes perspectivas as razons polas quais votar NOM o próximo dia 20.

Iñaki denunciou o obscurantismo do tratado e a falta de capacidade na toma de decisons fundamentais por parte das classes populares e fijo umha análise da situaçom que estava a viver Euskal Herria perante o novo cenário existente após a proposta de paz feita pola esquerda abertzale. Diego centrou o seu discurso em explicar as principais razons dadas desde Galiza para votar NOM, fijo umhas breves reflexons sobre o desenvolvimento da campanha no nosso país e analisou as repercussons que a entrada na UE supugeram para o Povo Trabalhador Galego e as suas condiçons de vida. Por último Núria sublinhou a artificialidade do tratado ao eliminar por completo povos milénarios como o galego,o basco e o catalám e ironizou sobre diferentes razons dadas polos partidos do sistema para que votássemos que SIM.

Antes de concluir o acto, o numeroso público que enchia o salom de actos da faculdade de filologia deu pé a um interessante debate.